US Chinmi Sinah Fale Kilven Ning Cawnpiaknak A Um Lai

Vawlei cung ramttha bik US ah Pathian dawtnak thawngin Laimi tampi kan phan. US chung ummi Chinmi tampi inn ttha le lo ttha ngeihmi kan tampi i Khrihfabu zong kan karh chin lengmang.

Cu lawng siloin rian ttha a ttuanmi tampi zong kan um. Kan fale pawl lakah cathiam le scholarship a ngahmi zong an tam chin lengmang.

Nain, ramttha tuk a si bantuk in sualnak zong a tam tuknak ram a si. Cucaah, kan fale kongah ralrin ngaingai kan herh. Atu tein, timhlamhnak le ralrinnak kan ngeihcia lo ahcun kan fale lak ah sualnak a kharh chin lengmang lai ti phan awk a um ngaingai.

Cucaah, Chin Comunity of Indiana (CCI) le palik zung (IMPD) i bawm in sualnak a karh lo nak ding le i kilvennak ding ah Chin Academy ser a si.

Chin Academy programe a voi 1nk cu September 22, 2018 (Zarhteni) ah zinglei sml 10am-2pm tiang tuah a si lai.

A hmun cu Chin Center ah si lai i ceih dingmi tlangtar cu Gang (misual bu), Buainak (violence), Social media, Inn baoh le thilri vennak tibantuk hna an si lai.

Palik nih i vennak ding le ralrin a herhnak pawl a kan cawnpiak lai. Holhlettu zong um lai i duhmi paoh hal khawh a si lai. Hi bantuk caanttha hi tlolh lo tein nan rak chuahnak lai kan in sawm hna.

_ Chin Community of Indiana

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.