Tha dih ngai in Rohingya ralzaam 34 hna cu rili kam nawncek lakah huamsam in an kal thluahmah lio ah Sungai Baru khuami nih an khamh hna i rawl an pek hna.
Ngakchia 9 an i tel, kum 7 ngakchia zong an um.
Rohingya pawl cu tilawng in an ra nain zahan 7:30am ah rili kam ah an tthumh hna i an kaltak hna.
Phungninglo minung luhchuah pitu nih an ratpi hna i rili kam in 500m a hlatnak ah an tthumh ta hna tiah kan zumh, tiin Malaysia Mipi Vennak Ralkap (APM) nih a chim.
“Nawncek nih a tuam dih hna buin rili kam lei ah an kal thluahmahmi cu ngatlai pawl nih an hmuh hna.
“Micheu cu an fale an i puak hna, micheu cu an ttap len,” tiah a chimchap.
Pawngkam um electric sehzung le APM rianttuan pawl nih an bawmh hna i ti le rawl an pek hna.
“Malay holh an thiam lo. An rawl ttam tuk caah khuami nih din awk le changreu an pek hna.
“Ni 2 chung zeihmanh ei loin an ra tiah kan zumh,” tiah AMP rianttuan pakhat nih a chim.
Puaisa nih tangka RM5,000 in RM16,000 kar a lak hna i Penang state a luhpi hna hlan ahhin, Kedah state i sehzung tthing chungah a chiah hna.
Myanmar le Bangladesh in a rami an si. — The Star
