CHRO nih Geneva, UNHCR Headquarters ah Chin ralzam kong a chim cang lai

CHRO nih ramleng ah Chin ralzam kong chim a timhnak hmun pawl a tlangpi in. October 1-6 Geneva, Switzerland UNHCR, OHCHR (Yanghee Lee, Special Rapporteur on Myanmar) office pin ah Embassy le NGOs pawl, cu hnu ah October 7-12 London UK ah a kal tthan lai i Biaknak bu, NGOs, Cozah lutlai ti bantuk a ton dih hna lai i Chin ralzam kong a chim lai. A tang ah fiang deuh in ka rak langhter lai.

Kan theih cio bantuk in 19 June 2018 ah UNHCR nih Chin ralzam kong thawngthanhnak a tuah thok in nihin ni tiang CHRO cu nikhat te hmanh aa din rih lo, nikhat cu chim lo zaan hmanh ah din loin rian a ttuan peng rih. CHRO nih Chin ralzam kong cathluan a chuah, India le Malaysia ah ralzam upa pawl he i bawm in Press conference a tuah pin ah UNHCR a ton,Chin ram kong dikthlir in a langhter tu report (page-35 tluk a sau mi) a chuah i nizaan tihni te ah Thailand ah report tlangzarhnak zong a tuah.

Cu hlan ah Thailand UNHCR, Yangon UNHCR a ton hna. Malaysia, Thailand le India hrambunh NGOs (a bik in Human Rights le refugee law) lei vialte a ton dih hna i a tu ahcun Asia ram chung nuhrin covo bu 58 leng nih an dirpi cang i UNHCR biachahnak zong biatak tein an doh ve. Hi rian vialte (Ka chim lomi rian a karlak ah ttuan mi a tampi rih) ttuannak ding ah fimnak, caan le thazaang vialte pek in CHRO cu 19 June 2018 in nihin tiang aa ding lo.

A cungah ka langhter bantuk in CHRO cu 1 October (Monday) zaanlei suimilam 3:00pm ah Geneva, Switzerland UNHCR ah Chin ralzam kong chimnak a ngei lai i Chin ram dirthlir a langhter tu report zong a pek chih lai. Cu hnu ah October 6 tiang Switzerland ah an cam lai i cu an cam chung ah OHCHR (Yanghee Lee, Special Rapporteur on Myanmar) office he tonnak a ngei tthan lai. Cu hnu ah a dang NGOs le Embassy pawl he tonnak a ngei rih lai i Chin ralzam dirhmun a chim lai.

Cu hnu ah 7 October ah London, UK ah a kal tthan lai i 12 October tiang London ah a cam lai. CHRO nih London a kal khawhnak hi Christian Solidarity Worldwide sawmnak in a si i a bik in UNHCR biachahnak, Chin ralzam dirhmun le Kawlram ramkhel boruak, Chin state dirhmun chim ding in sawm a si. London a cam chung ah a ton hna ding mi pawl cu a tlang lei bantuk hin an si lai.

Christian Solidarity Worldwide, Members of Parliament pawl he meeting ding, Co-Chair of All Party Parliamentary Group for Burma, Paul Scully MP, the Chairman of the International Development Committee of the House of Commons Stephen Twigg MP, Lord Alton of Liverpool, Baroness Cox of Queensbury, Baroness Kinnock of Holyhead and other Parliamentarians. meetings with officials in the Foreign and Commonwealth Office and the Department for International Development, the Catholic Bishops’ Conference, Lambeth Palace, other Non-Governmental Organizations and religious organizations ( Hi vialte hi London ah CHRO nih a tuah ding a si).

Ka chim cang bantuk in UNHCR nih Malaysia le India ralzam kong he pehtlai in thawngthanhnak a tuah ri in nihin tiang CHRO cu aa din rih lo, chunzaan ti awk in rian a ttuan peng rih, Tutan zong ah ramleng a kalnak ding hmun Geneva le London ah a ton ding mibu pawl an tam ngai rih. Kan thlacamnak zong ah CHRO tutan a rianttuannak te hi cu telh cio khawh ve ah a ttha tuk hnga.

Cattialtu: Salai Cung Dawt – CHRO Delhi, India