Chinpa nih Paletwa ah bomb aa lamh sual caah zualhma tukin sizung phan

Paletwa, Chin state – Zahan October 29 zingka 11am ah Yat Chaung khuami Pu Hoih Thang cu ramtang ah meh a kawl lio ah bomb aa lamh sual caah fak tukin aa hliam.

Ahmai rawk, a kehlei kutdong pawl le a vorhlei ke aa hliam, a haa cung he tang he 4 an kiak, a zunzunnak aa hliam.

Pu Hoih Thang le a hawile 4 cu October 23 ahkhan meh kawl dingin ramtang ah an kal i zahan zingka 11am ah bomb aa lamh sual hi si.

A hawile 4 nih khuami sinah thawng an thanh i zaanlei 4pm hrawngah khua an phanhpi.

Zaan 6pm ah an khua in Paletwa khuapi sizung ah an kalpi. Zaan khuadei an kal i tu zingka 5am ah Paletwa sizung an phanhpi.

Pu Hoih Thang hi fa 5 a ngeimi si.

Aa hliam ning a fah tuk caah Sittwe sizung ah kalpi a hau nain tangka an ngei lo.

Paletwa peng ahhin kum 2015 thokin Rakhine Ralkap (AA) le cozah ralkap (Kawl Ralkap) an i kap lengmang i khuami 6,000 leng an zaam cang.

Mah pinah, atu bantukin khuami tampi cu AA le Kawl Ralkap nih bomb an hmanhmi i lamh sual in hliam an tuar i an nunnak tiang a liam lengmang. — Chin World

Kan hnu thla September 20 zongah Pi Phit Leih cu bomb i lamh sual in a nunnak liam – ka hmet law relchap