Australia Cozah nih hin June, 2018 tiang ah Visa a pek mi hi phun 123 hrawng a si. Asinain, mah cu tampi a hloh i atu ahcun 73 tluk lawng a chiah. May thla ah election a si lai i Cozah thar an chuah ahcun tampi zong an thlen khawh ve rih.

Asinain, tulio Liberal Cozah nih cun khuate lei umnak ding caah biatak tein lam a ser. Mah lam a ser mi chung in a tam bik a rak phan mi hna cu Skilled Regional (Provisional) visa (Subclass 489) an si. Sri Lankan pawl cu a tomtom bak in an phan hna.

Labor Party nih ram a uk zongah Sydney le Melbourne i mipem chiah ding cu an duh lo hrimhrim ti a fiang ko. Cucaah, khuate lei pemnak nih hin lam tampi a awn ter.

Mah visa hi zeitin dah a sok ning a si?

1. Bible lei siloin secular lei in degree ngeih a hau. Mah degree cu Kawlram ta siloin 
ramdang ta a si hau. Kawlram degree cu Australia Education system i an pom khawh 
mi category (A le B ) ah aa tel lo. Hong Kong, Singapore tbk silole Europe ram hna i degree a la mi caah mah hi lam tha tuk a si.

2. Tuan mi rian zong zoh a si ve. Cun, mirang holh thiam maw thiam lo (IELTS) khi 6.0 an lak lai. Europe le America ram ah Master Degree na lak zongah IELTS Test na tuah hrimhrim a hau lai.

3. India ram i University Degree a la i IELTS 6.0 nan hmuh cun lam a awng ngai kho. Aruang cu Australian Education system nih hin India ram education cu Category (B) ah a pom ve caah a si.

4. Kawlram um bu tein sok khawh a si. Australia Cozah nih Skilled occupation rian 
tiah a cohlan mi ka ngei maw ngei lo ti cu ka tar chih mi “Link” ah khin tha tein zoh khawh dih a si – link https://immi.homeaffairs.gov.au/visas/getting-a-visa/visa-listing/skilled-regional-provisional-489/invited-pathway?fbclid=IwAR1imNaJAqBv1zD1VB-V66X9SYk-DRLxr7Vqszn6mYVO2uHsW3zRw68M_A8

5. Timhtuahnak tha tak na ngeih dih hnu ah na sok lai.

6. Australia Cozah nih sawm mi na si lai. A tawinak cun interview auhmi lawng 
nih an ngah lai tinak khi a si.

7. Fee caah AUD $3755 a dih lai. Mah hi cu visa pek ding in Interview an in auh tik lawng ah pek te ding a si.

8. Kawlram embassy mah bantuk tiang in interview auh/tuah mi na si ahcun keimah sin ah bomh hal khawh a si. Khuate na kalnak ding caah rian offer ca kan in tial piak khawh.

9. Mah Sub-class 489 visa a hmu mi cu Khuapi chung hrimhrim ah um a ngah lai lo. 
Khuate lei ah a tlawm bik kum 4 rian na tuan hnu ah PR na sok lai. PR na si hnu cun khuapi lei ah thial khawh te ding a si.

10. Visa na hmuh i khuate um duh loin na um sual ahcun Immigration nih direct na visa an in cancel piak lai i na umnak ram ah kuat colh na si lai.

Mah visa buar (breach) hi tih a nung tuk. Zungzal in Australia lut kho lo ding in 
Immigration nih an in kham lai. Blacklist na si lai tinak a si. Miphun dang nih tamtuk an ton cang mi a si.

Note:

Mah hi na unau cathiam, Degree a la mi le a sining nih a tlinh ve ko i Australia ram hna pem a duh ve ahcun rak sok ter ve hrimhrim uh. An ngah lai lo ti chim khawh a si lo. Minung tamtuk nih an ngah cang. Mah skilled regional visa hi kumkhat ah 87,000 leng a lak lai tiah zumh a si.

Cattialtu: Sang Hre (Australia)