An luat cang, Salai Beva le U Chia Haw

Chin state – Paletwa peng, Tantaung khua palek bawi Salai Beva le U Chia Haw cu AA hriamtlai nih an thlah cang hna, tiah saya Bu Htang Pai nih a chim.

February 22 ah AA hriamtlai nih Tantaung khua palek sakhan an tuk i palek bawi le khuabawi cu an kalpi hna.

Tuni 11am ah AA hriamtlai nih Busin khua ah an thlah hna, a luatmi 2 hna cu Busin khuami nih vok pakhat in rawl an dangh hna lio si caah Tantaung khua an phan rih lo.

“Atu bantukin kan unau a simi an biakam bangin a thlahtu AA hriamtlai cungah kan i lawm tuk,” tiah saya Bu Htang Pai nih a chim.

Myanmar ram thisa khat unau miphun hna i lungrual usih law Myanmar rampi dairem hraam seh, a ti.